Bráðamóttaka barna

 

Fyrir hverja?

Á bráðamóttöku barna er börnum sinnt frá fæðingu til 18 ára aldurs eftir tilvísun frá lækni, hjúkrunarfræðingi eða ljósmóður.
 

Þjónustutími

Það er opið allan sólarhringinn.
 

Símanúmer

Skiptiborð: 543-1000
Ekki er veitt almenn símaráðgjöf á bráðamóttöku barna.
 

Aðsetur

Jarðhæð Barnaspítala Hringsins, Hringbraut, 101 Reykjavík.

Starfsemi

Bráðamóttaka Barnaspítala Hringsins tekur á móti veikum börnum frá fæðingu til 18 ára aldurs. Til að tryggja öryggi allra sjúklinga þarf að forgangsraða sjúklingum eftir eðli og alvarleika veikinda. Hjúkrunarfræðingur skoðar og metur alla sem koma á bráðamóttöku strax við komu. Þegar hjúkrunarfræðingur hefur lagt mat á alvarleika veikinda er sjúklingnum vísað í viðeigandi farveg.

Um 6-7% barna sem leita á bráðamóttökuna eru lögð inn á deildir Barnaspítalans eftir skoðun og rannsóknir. Þannig fá langflest börn sem koma á móttökuna viðeigandi meðferð þar og fara síðan heim. Börnum er fylgt eftir með endurkomu á bráðamóttöku eða með símtali, sé þess þörf.

Börn undir fjögurra ára eru stærsti hópur þeirra barna sem leitað er með á bráðamóttöku barna. Álagið er mjög breytilegt og eru árstíðasveiflur miklar. Flestar komur eru yfir vetrarmánuði en þeim fækkar með hækkandi sól. Komum á bráðamóttöku barna fer fjölgandi og eru nú um 13.500 á ári.

Fyrir hverja?

Á Bráðamóttöku barna eru börnum sinnt til 18 ára aldurs eftir tilvísun frá lækni, hjúkrunarfræðingi eða ljósmóður. Foreldrar/forráðamenn geta leitað beint á Bráðamóttökuna með bráðveikt barn.

Ef barnið hefur lent í slysi eða óhappi og þarf mat heilbrigðisstarfsfólks skal leita á Heilsugæslu eða Bráðamóttökuna í Fossvogi.

Deildarstjóri: Ingileif Sigfúsdóttir

Yfirlæknir: Ragnar Bjarnason

Nánar um þjónustutíma

Það er opið allan sólarhringinn. Aðalinngangur Barnaspítala Hringsins er opin frá 07 – 22:00 virka daga og 10:00 – 22:00 um helgar. Utan þess tíma er gengið inn um næturinngang Landspítala sem snýr að Eiríksgötu.

Nánar um símaþjónustu

Ekki er veitt almenn símaráðgjöf á Bráðamóttöku barna. Almenn simaráðgjöf vegna veikinda barna er veitt á Heilsugæslum og hjá Læknavaktinni.

Fræðsluefni