Legudeild

 

Fyrir hverja?

Tímabundin innlögn barna og unglinga af biðlista eða vegna bráðatilfella.

Símanúmer

Sími: 543-4300

Beinn sími: 543-4320

Þjónustutími

Legudeild BUGL er opin allan sólarhringinn.

Aðsetur

Legudeild BUGL er staðsett á Dalbraut 12, 105 Reykjavík.

Starfsemi

Á legudeild BUGL leggjast börn og unglingar upp að 18 ára aldri. Unglingar í efri bekkjum grunnskóla og eldri eru fjölmennasti hópurinn sem leggst inn á deildina.

Deildin er ætluð börnum sem þurfa á tímabundinni innlögn að halda vegna geðræns vanda þegar þjónusta í nærumhverfi fjölskyldu, á sérfræðistofnunum eða á göngudeild BUGL nægir ekki. Helsti vandi þeirra sem leggjast inn eru sjálfsvígshugsanir og tilraunir, alvarleg og hamlandi einkenni þunglyndis og kvíða, alvarleg skólahöfnun, einkenni og grunur um geðrof og sveiflusjúkdóma.
Börn og unglingar leggjast inn af biðlista og brátt. Biðlistainnlagnir eru af innri biðlista þar sem teymi á göngudeild sækir um innlögn. Aðrir geta ekki sótt um innlögn á legudeild. Bráðainnlagnir eru ýmist í gegnum bráðateymi göngudeildar eða vakthafandi sérfræðilækni með viðkomu á bráðamóttöku barna á Hringbraut eða á slysadeild við Fossvog.

Formlegur heimsóknartími er virka daga á milli kl. 19 og 20. Heimsóknartími um helgar er eftir samkomulagi. Nánasta fjölskylda getur heimsótt barnið og dvalið hjá því hvenær sem er.

Hlutverk deildarinnar er að sinna börnum og fjölskyldum þeirra sem þurfa á tímabundinni innlögn að halda vegna geðræns vanda barns þegar þjónusta í nærumhverfi fjölskyldu, á sérfræðistofnunum eða á göngudeild BUGL nægir ekki.

Deildarstjóri: Vilborg G. Guðnadóttir
Yfirlæknir: Dagbjörg Sigurðardóttir

Fræðsluefni